Shadow

Mayor Albee ginhatagan sang SP sang authority to sign para sa P514M nga legislative building project

Konseho sang siudad aprobado ang paghatag sang authority to sign kay Mayor Albee Benitez para sa kasugtanan para sa construction sang P514M legislative building.

Naga amat-amat na plastar ang mga construction equipment sang Legacy-MKU contruction sa likod sang Bacolod City Government Center samtang nagahimos naman ang operator sang natukod nga carnival sa lugar.

Ang Legacy-MKU amo ang napili nga contractor para mag-construct sang P514M nga Legislative Building sang siudad.

Sa session sang konseho, gin-aprobahan na ang paghatag kay Mayor Albee Benitez sang otoridad para mapirmahan ang kontrata sa igatukod nga proyekto.

Plano sang alkalde nga masaylo ang legislative offices agud matagaan sang lugar ang pila pa ka mga departamento kag ahensyo sa BCGC.

Sa tion nga mapirmahan sang alkalde ang kontrata, iga-ratify ini sang konseho agud masuguran na ang pagtukod sang legislative building.

Secured By miniOrangeSecured By miniOrange