Ginkumpirmar ni Bacolod City Election Officer Atty. Kathrina Trinio-Caña nga may nagpamalabag sa 42 ka mga aplikante mga tuyo mag boto sa Barangay 9 sa paalabuton nga Barangay kag Sanguniang Kabataan Election.
Suno sa iya, isa ka persona ang nagpasa sa Commission on Elections sang pormal nga opposition may angut sa amo nga mga aplikante.
Suno sa tagreklamo nga taga Barangay 9 mismo, ang 42 ka aplikante ang wala nila makita nga nagatinir sa Barangay 9 kag naga-istar ini suno sa iya sa iban nga mga barangay.
Iban sa amo nga application amo ang registration for new voters samtang ang iban naman ang luyag nga ipasaylo ang ila records sa Barangay 9.
Dugang ni Trinio-Caña, ila na ihatag sa Election Registration Board ukon ERB ang desisyon sa amo nga opposition. Magasugod ang ERB hearing sa Hunyo 1.
Sang nagligad nga mga tinuig may ara man mga opposition, apang may mga tion nga gina-approve sa gihapon sang ERB ang isa ka application kon may ipakita ang natungdan sang dokumento nga nagapamatuod nga sa amo nga Barangay gid man ini naga istar.
Sa Nobyembre 2 sini nga tuig, natalana nga pagahiwaton ang piniliay sa Barangay kag Sangguniang Kabataan.*
[sibwp_form id=1]