Ginkumpirmar ni Negros Oriental PNP acting provincial director Police Col. Jonathan Abella, nga nadakpan sa iya gina-obrahan sa Barangay Granada, Bacolod City sang Sabado, Setyembre 26 ang suspek sa pagpatay kay punong barangay Dennis Jimpayan sang Brgy. Kansumanding sa La Libertad, Negros Oriental.
Positibo nga ginkilala sang saksi ang 32-anyos nga suspek nga amo ang nagtiro sa kapitan sang Setyembre 23 sa Sitio Nabilog, Brgy. Kansumandig.
Ginsiling ni Abella, base sa imbestigasyon, “crime of passion” ang natabo kag wala ini sing kaangtanan sa eleksyon, politika ukon sa mga rebelde. Isa ini ka kaso sang love triangle suno sa PNP.
Gindala ang suspek sa La Libertad Municipal Police Station kag siya ang pagapasakaan sang sang kaso nga murder sa Provincial Prosecutor’s Office.
“Based sa information sa investigation is crime of passion. Amon siya gindala sa Prosecutor’s Office we will wait for the outcome sa pag-file. Amon gin-file is murder pero it is up to the Fiscal’s Office as to the outcome.. Case close na siya kay arrested ang suspek”, suno kay Abella.
[sibwp_form id=1]