Antes pa sang National Vaccination Days nagpangabay na si Barangay Estefania punong Barangay Jerry Tingson sa mga unvaccinated nga empleyado sang barangay nga indi lang anay mag ubra samtang wala pa sila maka pabakuna.
Gani nalipay man siya nga makaligad ang 3-day vaccination program halos shiento porsyiento sa ila ang nabakunahan na.
Ang barangay SK chairman nagpangisog nga magpabakuna bangud sumugod sa madasun semana,no work no pay na ang mangin polisiya sang barangay santo sa mando sang Inter Agency Task Force angut sa no vaccine, no work kag no vaccine,no pay policy.
Ang ini nga mga construction worker naghingagaw man pabakuna agud makalikaw sa balayran para sa RT PCR test nga sarang iga require antes sila maka trabaho.
Ang katapo sang Makabayan Bloc ang nag recommend na sa Kongreso nga kun mahimu i-suspend anay ang no vaccine no work policy sang IATF.
Kaupod ang katapo sang labor sector nagapati sila nga iligal ang pagpatuman sang polisiya.
Nakasaad sa IATF 148 b nga dapat i-require sang mga government kag private employers ang pagpabakuna sang ila mga on-site workers kabahin sa mga tikang kontra sa Covid-19.
Ang mapaslawan magpabakuna ang iga require sang negative RT-PCR test result nga mismo ang mga empleyado ang magabayad.