Matapos magbubo ang mabaskog nga ulan Lunes sang hapon, nagsaka man ang tubig baha sa bahin sang Orong kag Oringao sa Kabankalan City.
Ginsiling ni Mayor Benjie Miranda, nag-awas ang tubig sa tamburong bangud sang madamol nga ulan apang ini ang na-aksyunan agud gilayon nga mag-subside.
Bangud sa masami nga pagbaha sa siudad ilabi na kun may mga bagyo, suno kay Miranda, ang “Flood-Free Kabankalan” ang isa sa iya mga priority projects agud mahatagan na sang solusyon ang madugay na nga problema sa baha.
Gani, suno sa alkalde, nagdesisyon ang LGU sang Kabankalan nga mag-loan sang P2 Billion sa national government agud pagagamiton sa mga proyekto nga magatapna sa baha, dala na diri ang Master Drainage Plan kag iban pa.*