Sec Jose Francisco Benitez, TESDA Director General nag siling nga iya nga gina lantaw ang pag balik sa kongreso kun madayon gid man ang pag papili sang iya nga hinablos, Third District Representavie Javier Miguel Benitez sa pag ka gobernador sa 2028.
Suno kay Sec Benitez, malayo pa ang 2028 kag damo pa sang ulubrahon.
Iya man gani gina consider ang pag pabilin sa TESDA kag pagtapos mismo sang iya nga term.
Wala pa sang pat-od nga desisyon karon kag iya nga hatagan sang konsiderasyon ang tanan kun mag abot na ang nagakaigo nga tion.
Nangin mainit ang ngalan ni Congressman Javi kag Second District Representative Alfredo Marañon, III bilang contenders para sa gubernatorial post sa 2028.
Pero mismo ang mga party leaders sang coalition sang United Negros Alliance kag Love Negros nagsiling nga sila ang maga istoryahanay pa. Ila gina lauman ang isa ka collective nga desisyon para sa 2028.
[sibwp_form id=1]