Gin-anunsyo sang Negros Occidental Electric Cooperative subong nga Lunes, nga may pagsaka sa electricity rates para sa September 2026 nga billing.
Sini nga bulan, yara sa masobra P16 per kilowatt-hour ang sukot sa kuryente.
Mas mataas ini kun ikumpara sa masobra P15 per kilowatt-hour sang tinalikdan nga bulan sang Agosto.
Suno sa NOCECO, ang pagmahal sang residential rate sa kuryente ang bangod sa pagsaka sang Generation Charge nga tuga sang pagtaas man sang presyo sang kuryente sa Wholesale Electricity Spot Market.
Yara na karon sa masobra P15 per kilowatt-hour ang presyo sang kuryente sa WESM, nga sang una yara lang sa P12 per kilowatt-hour.
Nangin rason man sa pagsaka sang bili sang kuryente ang ancillary services, system loss kag government-mandated nga Value Added Tax, suno sa NOCECO.
[sibwp_form id=1]