Banaag ang liwat nga nakit-an sang kagab-i, Mayo 11, sa baba sang bulkan Kanlaon.
Suno kay Mari-Andylene Quintia, ang resident volcanologist, ang ini nga litrato ang kuha sang ila nga observer sa Canlaon City mga 10:54 pm.
Padayon ang monitoring sang Philippine Institute of Volcanology and Seismology sang crater glow ukon banaag sang bulkan Kanlaon.
Damlag pa ginsiling ni Ma Antonia Bornas ang chief sang Volcano Monitoring and Eruption Prediction Division sang PHIVOLCS nga iga monitor nila ang masunod nga mga gab-i kay kun mag intensify ang crater glow mahimo nga maga pasaka sila sang alert level sang bulkan Kanlaon.
Ang crater glow ukon Banaag sa kaso sang bulkan Mayon ang precursor sa magmatic activity sini. Nagakasayuran nga naga palapit na ang magma sa baba ukon summit sang bulkan.
Gina tawag ini nga crater glow ukon banaag kon makita sang ordinaryo nga mata. Ang mga superhearted volcanic gas plumes ang madugay na nga gina emit sang bulkan Kanlaon pero ini ang kitaon lamang sa high resolution infra-red camera.
“Visible man siya as per report sang aton observer sa Canlaon City. Usually makita naton ang atmosphere kun gab-i kay madulom iya palibot. So pwede nga nag emit siya gyapon sang superheated plume pero amo man na siya gyapon, kumbaga indi naton siya makita as reddish color kay masanag kun aga. Ang crater glow precursory nga activity nga magmatic activity sa Mayon Volcano, so posible nga diri man sa Kanlaon ini matabo”, suno kay Quintia.*
[sibwp_form id=1]