Gina lantaw ni Negros Occidental Governor Eugenio Jose Lacson nga mahimo kinahanglan ang pagpungko kag pagsapol sang United Negros Alliance kag Love Negros lakip na ang mga gina kabig probable candidates para sa 2028.
Iya nga hibaluon sini nga bulan kun bala may consensus na sa grupo.
Nangin mainit ang ngalan nanday Second District Rep Alfredo Marañon, III sang UNegA kag Third District Rep Javier Miguel Benitez sang Love Negros para sa gubernatorial post sa 2028 bisan pa nga wala man sang kumpirmasyon pa gikan sa magtimbang nga bahin.
Suno kay Lacson nagakaigo nga magpungko kag mag-istorya ang duha ka partido labi na ang mga probable candidates.
Suno sa gobernador, indi man sa iya ang pag desisyon para sa mangin kandidato sang coalition.
Ginsiling man ni Goveror Lacson nga wala siya sang illusion nga mangin kingmaker.
[sibwp_form id=1]