Probinsya sang Negros Occidental ang naka record sang duha ka bag-o nga dengue deaths.
Sa report sang Department of Health sa morbidity week 35 ukon sa August 28 to September 3 nga semana, may 106 nga kaso sang dengue ang Negros Occidental.
Kasunod sang duha ka new dengue deaths, 28 na sa kabilugan and napatay sa dengue sa probinsya.
Ang Negros Occidental sa gihapon ang may pinaka madamo nga na record nga dengue deaths sa amo nga semana.
Nagasunod naman ang Iloilo Province nga may 74 cases kag duha ka new dengue deaths. Ikatlo ang Capiz nga may 35 cases.
Pero suno sa DOH, sa kabilugan nga Western Visayas, ikatlo na nga semana nga manubo sa 500 ang dengue cases nga na-record – 301 cases.
Samtang, 25 cases naman ang na-record sang Bacolod sa August 28 to September 3 nga semana.
Walo naman ang dengue deaths sa Bacolod humalin sang bulan sang Enero.