Lima ka tuig nga libre nga magamit sang siudad sang Bacolod ang portion sang 3rd floor sang Ayala Malls Capitol Central para sa igatukod nga Bacolod Express Services Office ukon BESO.
Sa napirmahan nga Memorandum of Agreement sang siudad pina-agi kay Mayor Albee Benitez kaupod sang mall management, igapahamtang sa BESO ang onse ka mga satellite office sang mga city department kag walo pa ka mga national line agencies. Nalakip diri ang Land Transportation Franchising and Regulatory Board kag Professional Regulation commission.
Suno kay Benitez tinguhaan nila nga sa sini nga tuig matapos ang pagconstruct sang mga satellite office sang Department of Social Services and Development, Local Civil Registrar, PopCom, Office of the Building Official, Business Permits and Licensing, Local Economic and Investment Promotions Office, Public Employment Services Office, City Police Office, Traffic Authority Office, City Treasurer’s Office, City Tourism Office, National Agencies, kag City Health Office.
Luyag man sang alkalde nga mapatuman ang e-governance system sa BESO agud nga mas mangin mahapos kag mapadasig ang pag-proceso sang mga permits kag pila ka dokumento nga indi na kinahanglan pa nga magpadulong sa Bacolod City Government Center.