Nagpasalamat ang pamunuan sang Almana Property Development Corporation ukon APDC sa konseho sang Bacolod nga wala malakip ang baybay nga yara lang sang kilid sang ila propiedad sa ginaplano nga 25 hectare reclamation project sang Bredco.
Ini matapos man naaprobahan sang konseho ang resolution of no objection ukon RONO nga ginhinyo sang Bredco para sa ila development project sa reclamation area.
Ang APDC nagpadala man sang unsolicited proposal sa siudad para sa ginadihon nga development project sa reclamation area.
Pero suno kay Mayor Albee Benitez dapat anay madihon ang isa ka master plan para sa tanan nga mga proposal para sa reclamation area.
Ini agud mapat-ud ang nagakaangay nga development project kag labaw sa tanan ang mapangapinan ang dunang manggad.