Department of Public Works and Highways-Bacolod naga-request sa Baciwa-PrimeWater nga kakson ang ila tubo sa tunga sang taytay sa Barangay Mansilingan sa Bacolod City.
Nahimo na nga four lanes ang taytay pero indi magamit ang isa ka lane kay may naga pabilin nga tubo sang Baciwa-PrimeWater sa tunga mismo sang taytay.
Gani gin panawagan sang DPWH-Bacolod ang Baciwa-PrimeWater nga kakson na ang ila waterpipe sa taytay.
Ginsulatan na sang DPWH ang Baciwa-PrimeWater angot sa ila pipeline nga apektado naman sang ginpatigayon nga expansion sang Bakyas Bridge apang wala naman sila nagsabat sa pag pakig-angut sang ahensya.
Tubtob sa karon wala sang koordinasyon ang Baciwa-Prime Water sa DPWH.
Sa post sa Facebook ginsiling man ni Bacolod Congressman Greg Gasataya nga iya na nga gina follow up sa Baciwa-Primewater ang pagkakas sang amo nga tubo.
Ginsiling naman ni Mona Dia Jardin, General Manager sang Baciwa sa madason nga bulan natalana nila nga kakson ang amo nga pipe.