Shadow

Super big time oil price hike

YouTube player

Nakibot ang mga pump boy sa sini nga gas station sa may east sang Bacolod kaina sang aga kay mga las nuebe y medya gulpi lang nagdagsa ang ang mga nagpa toghong nga mga motorista.

Ang gwardiya daw nangin traffic enforcer, kada gasoline pumping machine may naga pila.

Kalabanan sa naga pa full tank na.

Masobra sa lima ka pesos ang igasaka sa presyo sang kada litro sang diesel bwas aga.

Halin sa singkwentay singko pesos, maga saka na ini sa masobra sa sisenta pesos.

Ang gasolina naman masobra sa tres pesos ang igasaka, malapit na lang ini maglab-ot sa sisentay singko pesos.

Kwatro pesos naman ang saka sa kerosene.

Ang tricycle driver nga si John Mark Magasi naga hulat nga mag tawhay na kay mapatughong man.

Diri naman siya mismo sa gas station naga hulat pasahero para indi hakog sa gasolina.

Sa ahaw ahaw 200 pesos niya nga mapauli sa kada adlaw basi mabuhinan pa gid kay ma mahal naman ang gasolina.

Ang taxi driver nga si Rolando Jalandoon diri na man lang naga parking sa gas station. Hakog man kuno maglibot pero inoras ang hultanay.

Suno sa Department of Energy, epekto na ini sang giyera sa Ukraine.

Ini ang ika napulo na nga sunod sunod nga semana nga saka sa bili sang produkto petrolyo.

Secured By miniOrangeSecured By miniOrange