Masobra sa P4B nga annual budget ginapaabot sang Bacolod LGU sa 2025.
Halos matupungan na sang local revenue collection sang Bacolod LGU ang ginabatun sini nga National Tax Allotment gikan sa national government.
Gani ginapaabot ni Mayor Albee Benitez nga kun mangin epektibo ang real property kag business tax collections sang siudad mahimo nga magsaka pa sa P4B ang mangin pondo sang LGU sa madasun nga tuig.
Ginatan-aw sang alkalde nga dako nga bulig sa pagsaka sang revenue collection sang siudad ang mga programa bahin sa landbanking.
Ang pagpasangkad sang local revenue nangin tikang sang siudad agud mapun-an ang kapin P300M nga budget deficit sang nagligad nga tuig.