Duha ka panalgan nga balay ang gintupok sang kalayo sa Gardenville Subdivision, Barangay Tangub sa syudad sang Bacolod, mga las 5:47 sang hapon sang Sabado.
Naglawig sang 20 ka minutos ang sunog antes gindeklarar nga fire out.
Ginsiling ni Fire Officer 2 Rolin Paulan, chief investigator sang Bacolod Bureau of Fire Protection, nga electrical ignition sa attic room nga yara sa 2nd floor sang balay, ang gintunaan sang sunog.
Nagresponde sa sunog ang apat ka mga firetrucks gikan sa Bacolod BFP, isa ka rescue truck kag ambulance.
Wala sang may nasamaran sa sunog. Apat ka mga pamilya ukon 13 ka mga indibidwal ang naga-istar sa amo nga balay.