Labing gina pasalamatan sang gobernador ang malinong kag madinalag-on nga kahiwatan sang Panaad sa Negros Festival.
Sa pito ka adlaw nga selebrasyon masobra sa 73,000 suno sa PNP ang nagtambong sa kahiwatan. Ang Best of Festival Dances, Lin-ay sang Negros Festival, kag ang mga concerts sang weekend ang labing gindugok.
Sa deactivation ceremony nga ginpatigayon Lunes sang aga, ginpasalamatan ni Governor Eugenio Jose Lacson ang serbisyo sang tanan labi na sang masobra 1,000 nga mga security and emergency personnel nga nagserbe sa Panaad sa Negros Festival.
Suno kay Lacson ang mga inadalaw nga indi masyado madamo ang Panaad goers mahimo man nga tungod may klase pa.
Dugang pa diri ang pagsugod man sang local campaign gani ang iban may ginkasakuan na.
Namutikan man nila ang pag nubo sa Panaad sales. Sa pinaka ulihi nga datus nga ginpa gwa sang probinsya. 16.6 million pesos ang sales gikan sa mga booth.
Sang 2024, 19.25 million pesos ang ginreport nga sales.
Suno kay Provincial Administrator Rayfrando Diaz, mahimo man nga ang iban wala nag report.
“What’s important is it was peaceful. There was no major incident. This morning I was in Panaad for the deactivation of our PNP, together with the army, Coast Guard and Bureau of Fire. And I thank them for maintaining the peace and order especially during the two nights concerts where a lot of people who showed up”, suno kay Lacson.