May sobra lima ka mga saksi nga nakuha ang pulis angut sa pag pang atake sa mag-utod sa Silay City kun sa diin isa ang napatay. Pero suno sa pulis naga pangita pa gid sila sang eye witness.
Ginsiling ni Capt Judesses Catalogo ang spokesperson sang Negros Occidental PNP, nga puros pa lamang circumstantial ang ila nakuha nga mga affidavit gikan sa mga saksi rason nga padayon ang ila nga panawagan sa publiko nga kun may ihibalo mag hatag sang impormasyon.
Wala sa gihapon sang suspek suno kay Catalogo kag madamo ang ila nga persons of interest. Nagapabilin nga yara sila sa gihapon sa case build-up.
Wala sila sang may nakuha nga DNA suno sa iya sa dugo nga nakit-an sa balay sang mga biktima bangud contaminated na ini.
Pebrero 7 sang maabtan sang ila nga amay ang tatlo ka mag-utod nga duguon matapos gin pang lampusan sang bato. Ang 9 anyos nga bata ang wala nakaluwas kag ini ang nag taliwan.
“May sobra lima ka witnesses nga nag boluntaryo nga nag pa kwa sang affidavit but all of these affidavit are circumstantial evidence, circumstantial accounts. We are looking for the eye witness, we believe nga may ara gid tawo na nakakita”, suno kay Catalogo.*
[sibwp_form id=1]