3,005 ka mga graduating college students gikan sa 601 ka mga barangay sa Negros Occidental ang tigayon nga nag baton sang ayuda.
Sa idalom sang Bawat Barangay Makinabang program sang Presidential Assistance to Barangays may tiglima ka mga graduating nga estudyante sa kada barangay ang nag benepisyo gikan sa ginhatag nga P100,000 nga pondo.
Suno kay ASec Rea Epistola luyag ni Presidente Ferdinand Marcos, Jr., nga mabuligan sa ila nga mga kinahanglanon ang mga graduating students.
May separado pa gid nga P100,000 nga pondo nga gin hatag sa barangay nga sarang nila magamit sa priority projects nila kaangay sang street lights, pag bakal sang kagamitan ukon igasto angut sa disaster preparedness.
Sa Panaad Park and Stadium gin-release ang P200,000 nga check sa kada barangay sa pag panguna ni Cabinet Sec Benjamin Abalos, Jr.
Suno kay Epistola P8 billion ang pondo para sa 42,011 ka mga barangay sa bilog nga pungsod kag tapuson nila ang releasing antes pa man ang election ban.
Gina pasalamatan ni Governor Eugenio Jose Lacson ang bulig sa mga barangay nga nag-abot. Upod sanday Representative Alfredo Maranon, III, Javier Miguel Benitez kag Mercedes Alvarez nga pareho nag pasalamat sa pondo nga gin-release sang Office of the President direkta sa mga barangay.
May gin patigayon man nga rice distribution sa idalom sang Bawat Bayan Makikinabang Program.
Suno kay Abalos, grass roots ang gina tutukan sang administrasyon karon para mabatyagan sang mga pumuluyo ang pag ulikid sang gobyerno sa ila.
[sibwp_form id=1]