Daw indi kapati ang manuglibod sang isda nga kapin P10,000 nga balor sang isda kag cash ang nadula sa iya matapos mabiktima sang gin-alegar scammer nga nagpakilala nga isa ka vlogger sa Barangay Bug-ang, banwa sang Toboso, Huwebes nga adlaw, Hulyo 30.
Ginsiling sang manugbaligya nga gin-interview siya sang vlogger angot sa kapigaduhon kag iya ginsabat nga nagabaligya siya sang isda tungod siya lang ang ginasaligan sang iya pamilya.
Suno sa biktima, ang nagpakilala nga vlogger ang luyag magpakyaw sang iya isda sa Brgy. San Isidro apang ginhambalan siya nga sa Brgy. Bug-ang lang siya bayaran, rason nga ginsundan niya ang lalaki nga naka-scooter pakadto sa lugar.
Sang sila ang yara na sa Crossing Menteryo, Brgy. Magticol, ginpanghatag sang lalaki ang mga isda sa mga tawo nga ila napanglabyan. Ginpunggan siya sang manugbaligya isda apang nagsiling ang lalaki nga bayaran niya ini.
Balor P7500 ang mga isda nga ginpanghatag sa mga tawo sang nasambit nga lalaki.
Naghambal ang lalaki nga wala siya sang sensilyo kag nagtanyag man ang tindero nga may yara siya sang P2,850 nga benta.
Suno sa lalaki, ara sa iya salakyan ang wallet kag kuhaon niya na lang ang benta agod bilog nga P3,000 ang ibalik sa iya.
Naglakat ang lalaki sa bangga kag ginsundan sang tindero agud lantawon kun diin ang salakyan, apang ang iya nakit-an amo ang pagpalagyo sang lalaki sakay sa motor.
Wala man ini gilayon makatawag sa pulis tungod wala siya sang cellphone.
Nagpa-blotter na lamang ang manugbaligya isda.
[sibwp_form id=1]