Ginpatigayon na ang send-off ceremony sang Philippine Army sa Visayas sang Martes para sa National kag Local Elections.
Sa isla sang Negros, masobra sa 2,000 ka mga soldado ang ginpang deploy.
Sa idalom sang 62nd, 79th kag 15th Infantry Battalion sa idalom sang 303rd Brigade, 1,035 personnel, kag sa 302nd Infantry Brigade naman sa idalom sang 47th, 94th, kag 11th Infantry Battalion, 1,487 ka tropa ang gin-deploy.
Sa orientation, ginhambalan ang mga soldado nga indi mag intra sa pulitika kag ipatuman ang kalinong para sa pinili-ay.
Antes sini ang tropa sang militar ang ginpaidalom sa coordination exercises, contingency planning, crowd control, kag legal orientation.
Magluwas sa pagpatuman sang kalinong, isa man sa mga ginpreparahan sang army ang pagbulig sa mga pumuluyo enkaso maglupok ang bulkan Kanlaon.