96 ka mga police personnel gin-deploy na sang BCPO sa mga polling centers sa ciudad sang Bacolod.
Dungan sa final testing and sealing sang mga automated counting machines sa mga polling centers ang pag-deploy sang mga pulis para sa May 12 National and Local Elections.
Ginpahayag ni BCPO Director Police Colonel Joeresty Coronica nga upod sa pagpasiguro sang peace and order ang pag-secure sang mga pagagamiton nga ACM sa pinili-ay.
Tig-duha ka mga pulis ang magabantay sa 48 tanan ka mga polling centers sa siudad.
Cancelled day-off kag leave ang mga kapulisan karon nga pinili-ay.
Tinutuyo sang pamunuan sang Philippine National Police ang zero violence sa adlaw sang eleksyon.