Apat na lang ka adlaw kag eleksyon na. Commission on Elections ang may pila ka pahanumdom sa mga bumuluto.
Suno kay Bacolod Election Officer, Revo Sorbito mas maayo kun naka lista na ukon may kodigo na nga daan para sa mga luyag nga botohon nga kandidato.
Suno kay COMELEC NIR Regional Director Atty Lionel Marco Castillano, dumdumon sang mga botante nga may isa ka libo ang natalana mag boto sa isa ka clustered presinto gani nagakaigo nga listahon na nga daan agudto mangin madasig man.
Indi mapaktan ang panahon, maayo kun magdala payong agudto makapangaman kontra sa ulan man ukon init.
Magdala man sang tubig ilimnon para ma hydrate.
Abiso ni Castillano nga magdala sang suga ukon flashlight para enkaso nga may matabo gid man nga brownout maka padayon sa ila trabaho ang mga katapo sang electoral board.
Ang mga watchers kag supporters labing gina nga magkalma, tugutan ang mga pumuluyo nga maka boto.