Masobra 18,000 ang naka-pa rehistro sa Business-One-Stop Shop sa Bacolod. Sa Marso natalana magapatuman sang inspection ang Business Permits and Licensing Office sa mga commercial establishment sa siudad.
As of February 7, may 18,878 na ka mga business owners ang naka-parehistro sa Business One Stop Shop ukon BOSS sang Bacolod LGU humalin sang Enero.
May 8, 472 ang na-issuehan na sang business permit.
Ginsiling ni Business Permits and Licensing Office head Stela Rose Rayos nga matapos ang BOSS sa Pebrero 15, may yara na sang 25 percent nga penalty para sa mga applicants nga mapaslawan maka-proseso sang permit.
Ginapaabot ni Rayos nga madamo pa nga mga applicants ang magahingagaw sa pag parehistro kag pagkuha sang permits antes pa man sang natalana nga deadline.
Sa Marso posible nga magapatuman sang inspection ang BPLO sa tanan nga mga commercial establishment agud mapasiguro nga lehitimo ang ila pag-negosyo.
Sa record sang BPLO may yara sang 24,690 ka mga business applicants ang naka-rehistro sang nagligad nga tuig.