Kapin 1.5 milyones pesos nga balor sang iligal nga droga na recover sa separado nga buybust operation sa Bago kag San Carlos City
Arestado ang 30 anyos nga si Sofia Marie Dela Cruz ukon alyas Beauty sang Biyernes matapos ini makuhaan sang kapulisan sang iligal nga droga nga nagabalor sa masobra isa ka milyon ka pesos.
Si Dela Cruz nga subject sa buybust operation sa Barangay Don Jorge Araneta sa siyudad sang Bago ang gina kabig nga high value target kag amo ang isa sa supplier sang droga sa syudad suno sa PNP
1,020,000 ang balor sang 26 ka sachet sang ginapatihan shabu nga nakuha kay alyas beauty.
Samtang kahapon, naaresto man sang San Carlos PNP ang 36 anyos nga si Junry Guitguit matapos makuhaan sang iligal nga droga nga naga balor 476,000.
Siya ang gin dakop sa buybust operation sa Barangay Palampas sa sa San Carlos. Street level individual si Guitguit suno sa pulis.
Kaso nga pag lapas sa RA 9165 ang paga atubangon sang mga gin dakop.