Patay ang 41 anyos nga manicurista nga si Alma Dela Cruz matapos gin tiro sang kagab-i sa sulod sang computer shop sa Purok Riverside Zone 2 sa Barangay Banago sa Bacolod.
Suno kay Major Richard Fajarito, commander sang Police Station 3, ang biktima ang naga hampang lang sang computer sa sulod sang shop sang hinali mag sulod ang gunman
Kag ginpalapitan kag gintiro sa likod sang iya ulo si Dela Cruz.
Gilayon man nag palagyo ang suspek kag nag angkas sa motor nga naga hulat sa iya.
Suno kay Fajarito, ila pa karon gina hibalo kun ano ang motibo sa pag patay kay Dela Cruz nga ang mister ang yara karon sa presuhan bangud sang kaso sa iligal nga droga.
Nakuhaan man sang kapulisan sang tooter ang biktima nga gina alegar naga duso man sang droga.
May impormasyon man ang PNP nga siya ang asset sang PDEA kag pulis pero ini ang gina kumpirma pa suno kay Fajarito.