Padulong sa merkado ang 50-anyos nga mangunguma sang siya ang gintambangan kag gintiro sang tatlo ka mga persona sa Sitio Panggiasgiasan, Barangay Lalong sa banwa sang Calatrava sa Negros Occidental, Domingo sang aga.
Ginsiling ni Police Captain Jesus Alba, hepe sang Calatrava PNP, may “person of interest” na sila sa pagpatay kay alyas “Jundy”.
May ginalantaw man ang PNP nga motibo sa krimen apang indi pa nila mapalayag tungod padayon pa ang imbestigasyon.
Base sa resulta sang medico-legal examination, nakaangkon sang madamo nga igo sang bala sa lawas ang biktima.
Yara sa nabukid nga bahin ang lugar sang krimen, indi masulod sang salakyan kag layu-anay ang mga pamalay.
Sa karon, at large sa gihapon ang mga suspek.
“May person of interest na kita. Indi na naton pag i kwan kay ongoing pa amon investigation kag nagapangita pa kami eye witness sa natabo. Mga las otso or las nueve na ni natabo, nanindahan ni siya mong ti galing kay ang balay sa bukid lagka-lagka na. Iya asawa nakita lang sa unhan nga may gasugata tatlo ka tawo sa iya bana kag gintiro lang dayon iya bana. Nabukid na, indi na masulod salakyan, nagalakat lang na sila.. Okay man ang record niya sa barangay, wala man ni siya any lain nga record sa barangay according sa barangay official”, suno kay Alba.
[sibwp_form id=1]