May duha na karon ka banwa sa Negros Occidental ang may zero active Covid-19 cases.
Sa report sang Provincial Incident Management Team, wala labot sang Don Salavador Benedicto, ang banwa sang Manapla ang may zero active Covid-19 cases naman sa karon sa ila nga December 7 nga report.
May trese ka iban pa nga banwa kag siudad nga single digit na man lang ang active Covid – 19 cases.
Ini ang naga lakip sang Calatrava, Candoni, EB Magalona, Escalante, Ilog, Isabela, Kabankalan, La Castellana, Murcia, San Enrique, Sipalay, Toboso kag Valladolid.
Sa kabilugan, 375 ang active Covid-19 cases sang Negros Occidental as of December 7. Tatlo naman ang na record napatay sa amo nga report.