Shadow

Magulang patay matapos pulihan sang mga manghod

Police Station 9 photo

Patay ang 32 anyos nga si Larry Bandico matapos pulihan sang iya mga manghod kagab-i sa Purok GK Village sa Barangay Cabug sa Bacolod.

Suno kay Police Lieutenant Gilbert Batiles, hepe sang Police Station 9, ang duha ka utod sang biktima ang naga tambag lang kun tani sa away nanday Larry kag sang iya nga live in partner nga suno sa pulis iya ginasakit bisan pa naga busong.

Indi luyag sang biktima nga hilabtan gani suno kay Batiles, nag kwa siya sang espading kag iya gin atake ang iya manghod nga si Wilmar.

Samtang naga agaway sang espading, naigu si Larry sa iya sini nga liog.

Ang agot nga si Junmar, 20 anyos, ang nag intra man kag iya ginlampusan sang hardwood ang magulang nga si Larry.

Patay si Larry bangud sang mga samad sa ulo kag pilas sa liog.

Gindetain karun ang duha niya ka manghod pero suno sa pulis, wala man sang plano ang pamilya nga pasakaan sang kaso ang duha.

Secured By miniOrangeSecured By miniOrange