Naga-left turn ang motor nga ginasakyan sang mag-utod nga papauli na sa ila balay sang sila ang nabungguan sang awto punibre sa national highway nga sakop sang Barangay Iniban, banwa sang Ayungon sa Negros Oriental, Miyerkules sang gab-i.
Ang awto punibre ang may karga pa nga lungon.
Patay ang driver sang motor nga si alyas “Shuly”, 22 anyos, isa ka Criminology student kag ang iya 16-anyos nga manghod nga babaye, isa ka Grade 11 student.
Nagwa sa imbestigasyon nga ginguyod sang awto punibre ang motor mga 20 ka metros ang kalayuon halin sa “point of impact” ukon lugar kun sa diin natabo ang bungguanay.
Matapos sini, naulamid kag naigo-an sang awto punibre ang tatlo ka mga pedestrian nga nagalakat sa dalan.
Naka-angkon man sang mga pilas ang 53-anyos nga driver sang awto punibre ginkilala kay alyas “Jobertho” kag ang helper sini nga si alyas “Junivie”, 26-anyos.
Ginsiling ni Police Master Sergeant Archie Ferreron, investigator on case sang Ayungon PNP, may kadasigon ang awto punibre base sa skid marks nga makita sa dalan.
“Yung hearse van usually ginagamit para sa patay but during that time kumuha siya ng casket from Tayasan then pagkatapos pumunta patungong Ayungon sa area namin sa Barangay Iniban. Nasa right of way ang van. Maka-conclude tayo na high speed talaga yung takbo ng hearse van kasi highway at the same time yung drag after ng collision, sa crash ng motorsiklo mataas yung dragging ng kanyang skid mark. So maka-conclude ang takbo ng sasakyan ay mabilis. Ang motor sa opposite lane ay nag-left turn kasi so doon sila nagbangga,” suno kay Ferreron.
[sibwp_form id=1]