Shadow

Mag-utod nga Atty. kag Dr. Palanca nagtawlian

Visionary businessman nga si Atty Simplicio “Sammy” Palanca nagtaliwan na sa edad nga 98, apat ka adlaw matapos magtaliwan ang iya man nga manghud.

Tungod sang cardiac arrest nagtaliwan na ang founder kag chairman sang Bacolod Real Estate and Development Corporation nga si Atty. Sammy Palanca sang Sabado, makaligad man ang kapin apat ka tuig sa sulod sang ospital.

Ini makaligad man sang pagtaliwan sang iya 86 anyos nga utod nga si Dr. Ernesto Palanca nga napatay sang gin-stroke sa manila sang hulyo sais.

Suno sa apo sang mag-utod nga si anay congressman Albee Benetiz, isa ka visionary ang iya Lolo Sammy nga amo ang nanguna sa pagtukod sang BREDCO nga isa sa mga nag-bag-o sang geographical kag economic landscape sang siudad kag rason man sang pag-uswag sang pila ka mga Bacolodnon kag Negrense.

Ginpangunahan naman sang iya Lolo Esto ang pagtukod sang drug rehab center sa siudad sang Victorias.

Suno naman kay 3rd District Congressman Francisco “Kiko” Benetiz, ang kaalam kag kaalwan sang ila mga nagtaliwan nga mga tiyo ang naghatag man inspirasyon sa kadam-an.

Para naman kay Governor Eugenio Jose Lacson, isa ka dako nga kahul-an ang pagtaliwan sang mag-utod nga palanca nga naghatag giya sa paglambo sang ekonomiya sang Bacolod kag probinsya.

Secured By miniOrangeSecured By miniOrange