Pilason ang mag asawa nga Danilo kag Geraldine Hedreana matapos mahulog sa kilid sang dalan antes sang taytay ang ila nga van kahapon sang aga sa highway sa Barangay Tinampaan siudad sang Cadiz.
Sa imbestigasyon sang Cadiz PNP, nag overtake sa isa ka salakyan ang van sang mag asawa kag sang nag balik na sa ila lane, nadulaan sang control sa ila nga salakyan ang mister bangud sang madanlog nga dalan dala sang ulan, gani nag bunggo ini sa barrier sa kilid kag nahulog.
Kapin 15 ka tapak ang gin hulugan sang van suno sa pulis kag naigu pa sa puno sang kahoy.
Wasak ang panguna nga bahin sang van kag pareho nga pilason ang mag asawa. Sila ang padayon nga gina bulong sa ospital.