Pilason ang mag asawa nga Moises kag Rosemiale sang sila ang ginpang tiro sa gwa lang sang ila tiangge sa Barangay Vito sa siudad sang Sagay.
Suno sa PNP, yara lang sa gwa sang ila tiangge ang mag asawa sang mag abot ang suspek nga si Teddy Arquio nga abi nila mabakal lang sa tiangge.
Pero gilayon na lang nag gabot sang armas si Arquio kag gin pangluthang ang mag asawa.
Luwas na sa katalagman ang misis pero ang iya mister nga si Moises ang padayon pa nga gina bulong sa ospital.
Away sa duta ang gina lantaw nga posible motibo sa pag pangluthang sa mga biktima suno sa pulis.