Shadow

Mag asawa nga senior citizens nga nasapwan patay wala pa mabakunahan suno sa ila mga utod

Patay na sang masapwan kahapon ang mag asawa nga Rene kag Jane Gargoles, lunsay 67 anyos, sa sulod sang ila nga balay sa Hermelinda Homes, Barangay Mansilingan sa Bacolod.

Suno kay Capt Elmer Bonilla, hepe sang Police Station 7, nag pangayo sang bulig sa otoridad ang hinablos sang mag asawa matapos mag panawag ini sa iya tiyo kag tiya kag wala sang may nagasabat.

Sang pag bukas sang balay, naabtan nga naga higda na sa separado nga kwarto ang mag asawa kag wala na sang kabuhi.

Wala sang may nakita nga foul play sa ila kamatayon suno kay Bonilla kag sa ila initial investigation, may cervical cancer ang misis samtang posible nacardiac arrest naman ang iya sang mister.

Posible Miyerkules sang gab-i napatay ang mag asawa suno kay Bonilla bangud naka istorya pa sila sa ila himata sang Myerkules sang hapon.

May nagwa nga sugilanon nga bag-o lang natapos bakunahan ang mag asawa pero paathag sang utod sang lalaki nga biktima… Wala sang kaangtanan sa bakuna ang kamatayon sang ila nga utod kag wala pa man sila gani mabaknahan para sa Covid-19.

Leave a Reply

Your email address will not be published. Required fields are marked *

Secured By miniOrangeSecured By miniOrange