Sa iya vlog nagpautas ang vlogger nga taga Kabankalan nga si Ericca Vlogs sa iya nangin eksperyensya sa talatapan sang Land Transportation Office sa Himamaylan City.
Base sa iya panaysayon sa iya vlog, namangkot siya sa naga print kag naga release sang lisensya kun ngaa wala sang contact person sa likod sang license pero suno sa iya naga singgit ang pagsabat sang empleyado gani gin tawag niya ang atensyon sang natungdan nga empleyado sa iya vlog.
Subong nga adlaw nagpagwa sang statement ang Land Transportation Office Negros Island Region nga naga siling nga ang natungdan nga empleyado ang ginpangayuan na sang paathag. Kun mapamatud-an nga sala gid man ang ginhimo sang empleyado, mapatuman ang ahensya sang disciplinary action.
Nagpasalig ang LTO nga mangin patas sila sa pagimbestiga sa sini nga insidente.*
[sibwp_form id=1]