Indi resulta sang kapabayaan kundi hungod ang pagbutang sang vendo car wash.
Ini ang panindugan ni Bacolod City Legal Officer Atty. Karol Joseph Chiu matapos nila nga ginpasakaan sang kaso si Barangay 16 Punong Barangay Jason Ligaya may kaangatan sa pagpatukod sini sang vendo carwash sa Palanca Road.
Suno kay Chiu, indi pwede ang pagpatindog sang amo nga structure sa dalan bangud kun may mag pa carwash diri, naga obstruct ini sa tunga sang dalan.
Damlag pa nagpahayag man si Ligaya nga handa siya nga kakason ang obstruction sa dalan apang suno kay Chiu, asta sa karon wala pa ini makakas bisan pa sa makapila naman nga notice.
Sang Hulyo 13, sang tinalikdan nga tuig gin-pangkakas na sang CLO ang mga illegal structure sa Palanca road sakop sang Barangay 16.
Apang, nagwa sa ila imbestigasyon nga matapos ang isa ka bulan, ang punong Barangay naman mismo ang nagpatukod sang iya negosyo sa amo nga dalan.
Ginahulat nalang sang CLO ang desisyon sang Ombudsman may kaangtanan sa kaso nga grave misconduct kag paglapas sa RA 3019 ukon ang Anti-Graft and Corrupt Practices Act nga ginpasaka sang siudad batuk kay Ligaya.
Damlag pa ginkwestyon sang punong barangay sa isa ka radio interview kun ngaa siya lang ang nagakakit-an kay kadamo man sang illegal structures sa siudad.*
[sibwp_form id=1]