Wala pa maka desisyon ang Love Negros kun bala may itib-ong sila nga isa ka kandidato para sa pag ka presidente.
Ini suno kay Negros Occidental Governor Eugenio Jose Lacson sang Love Negros. Personal nga pagpati sang gobernador mabudlay ang isa ka collective stand para sa pag tib-ong sang isa ka kandidato.
Suno sa gobernador gina kilala nila ang ano man nga desisyon sang tagsa ka local chief executive kun tagsa sa ila ang may lain-lain nga mga desisyon.
Sa sitwasyon sa karon, ginalantaw nga ang United Negros Alliance indi maka tib-ong sang isa ka kandidato para sa 2022 nga piniliay.
Sang Sabado nag patigayon sang general assembly ang UNEGA. Pero wala natalakay kun sino ang ila suportahan sa pagka presidente. Suno kay Vice governor Jeffrey Ferrer ang presidente sang UNEGA tuman pa ka temprano para sa amo nga desisyon. Pero suno sa bise gobernador sa iya nga bahin, nakahibalo naman ang tanan nga ang Marcos-Benedicto ang indi mabulag biskan mag ka inano pa.
Apo ni anay ambassador Roberto Benedicto nga suod nga kaalyado ni Anay Presidente Ferdinand Marcos ang asawa sang bise gobernador nga si Representative Juilet Ferrer.
Suno naman kay UNEGA Sec Gen Salvador Escalante Jr may mga lokal nga opsiyales man nga katapo sang UNEGA nga naga suporta kay Vice President Leni Robredo.
“We have not decided yet. We are also giving due respect to the personal choices of our local chief executives. (so it may not be a collective decision gov?) I think personally, I feel it’s difficult to have one choice. (so everybody will be free to choose whom they will support?) Yes. As I said, we will always recognize the wisdom of the local chief executives,” suno kay Lacson.