Shadow

Lo family nag donate sang fire truck sa Bacolod Chamber Fire Brigade sa pagsugod sang Fire Prevention Month

Ginpatigayon sang kahapon ang ceremonial turn over sang cheke para sa pag bakal sang isa ka unit sang pierce ladder fire truck nga naga balor sang may kapin sa 8 milyones pesos.

Si Ian Manuel Lo ang nag tiglawas sa pamilya Lo sa pag turn over sang checke sa pamunuan sang Chamber.

Suno sa Chamber fire chief nga si Bryant Lao, birthday ni Ian Lo subong nga adlaw kag masami sa kada mag birthday siya may gina buligan siya. Nalipay sila nga sa sini niya nga birthday sila ang napilian niya nga mabuligan.

Natymingan man nga panugod sang Fire Prevention Month gani dako nga bulig para sa ila ang ini nga fire truck nga may yara sang 100 meters nga ladder.

May yara sang fire truck ang Chamber nga may ladder nga may 60 meter lang ang kalabauon kag ini ang tigayon nga naka rescue sa walo ka mga persona sa ibabaw sang nagaka sunog sadto nga Java Pension House.

Sa sini nga klase sang firetruck suno kay Lao, mas madamo pa gid nga persona ang ila ma rescue ilabi na kun building ang nagaka sunog.

Yara man sa seremonya ang presidente Bacolod Filipino-Chinese Chamber of Commerce And Industry Inc nga si Edgar Sy kag ang ila nga chairman nga si Charlton Ong.

Secured By miniOrangeSecured By miniOrange