Shadow

LNG power plant sa San Carlos City gintagaan sang RONO sang SP Negros Occidental

Sangguniang Panlalawigan sang Negros Occidental ang nag pa guwa na sang Resolution of no objection ukon RONO para sa Liquified Natural Gas Power Plant nga pagatukuron sa San Carlos city.

Suno kay Board Member Manuel Frederick Ko, ang chairperson sang Committee on Energy sang SP, sang June 14 sila nag pa gwa sang RONO.

Ini ang kabahin sang pag process sang Reliance Energy Development, Inc., ukon REDI nga isa ka subsidiary sang San Miguel Corporation para sa ila nga Environmental Compliance Certificate (ECC) sa pag patukod sang 300 megawatt combined cycle power plant.

Sa tunga sang pag pamatuk sang pila ka mga environmentalist group, suno kay Ko, na imbitar man sang SP ang pamuno sang Provincial Environment Management Office kag na forward ang mga naga kaigo nga dokumento antes pa man sila nag pa gwa sang RONO.

“Ang liquified natural gas, fossil fuel man ni, pero daw amo ni siya ang the cleanest among all the fossil fuel”, suno kay Ko.

18.5 billion pesos ang  power plant nga  paga tukuron sa Brgy. Punao kag Palampas kag  gina paabot suno kay Ko maga bulig sa energy security sang pungsod.  

“Ang i-produce niya nga power i-share niya sa grid. Ang iya ka Sanggunian da ya nga role, nga bilang okay kita, indi siling nga indi kita”, suno kay Ko.

Damlag pa, ginpahayag nga gina paabot nga sa third quarter sang 2022 paga sugdan ang construction sini kag mangin fully operational sa 2024.

Sang Marso gin patigayon ang public scoping sang REDI-SMC  sa duha ka mga barangay.

Secured By miniOrange