Shadow

38 sa Psychology Batch 2022 sang CHMSU nag graduate nga may latin honors

38 sa 45 ka mga Psychology graduate sang Carlos Hilado Memorial State University sa Talisay City ang nagtapos nga may latin honors.

Isa ka summa cum laude, 23 ka magna cum laude kag 14 naman ang cum laude.

Suno kay Arjay Alvarado ang Dean sang College of Arts and Sciences sang CHMSU, ini ang pinaka una nga tion para sa Psychology Department nga may nag graduate nga may latin honors, kag pinaka una man nga tion bisan sa buluthuan nga kasubong kadamo ang nag graduate nga may honors.

Suno kay Alvardo ang Psychology Batch 2022 ikatlo pa lamang nga batch sang amo nga kurso bangud sang 2016 man lamang nag sugod ang programa.

Isa sa mga gina lantaw nila nga rason amo nga bangud sang salaay sa admission tigayon nila nakuha ang cream of the crop.

Napili nila ang pinaka maayo na sa mga nag-apply.

Wala labot diri, ang batch mismo, bisan pa nga competitive, ang ila nga relasyon lakip na ang mind set nangin kasubong sang isa ka team kun sa diin sila ang naga buligay paagi sa mga group study.

“Ka stringent ang admission process bala, very stringent. So ang mga applicants, are mostly cream of the crop. So maybe that is one factor. Damo damo ang ga apply. You can really choose the best. Ang ila nga batch ya competitive. They set aside ang kumpetensiyahanay and they help each other with regard to their classes”, suno kay Alvarado.

Secured By miniOrange