Mga P700M ang gina paabot maga buhin sa 2023 nga National Tax Allotment (NTA) sang Negros Occidental.
Subong pa lang, suno kay Negros Occidental Governor Eugenio Jose Lacson, ini ang gina handaan na nila upod ang mga nagkalain lain nga mga department heads para sa ila man nga iduso nga budget sang probinsya sa 2023.
Suno sa gobernador ila na nga gina tutukan labi na ang mga cost cutting measures nga ipatuman kasubong man ang pag pat-od kun diin nga bahin sa ila nga operation ang ma apektuhan sang budget cut.
Ang 14 percent nga reduction sa NTA nga gin-abiso sang Department of Budget ang Management ang tuga sang epekto man sang kita sang pungsod sang 2020 sang mag igo ang pandemic.
Ang tanan apektado lakip na ang mga budget man sang mga kabanwahanan kag siudad.
“All LGUs 14 percent reduction. Collection was very bad then, that’s the reason. We were also told in the last governors’ meeting, it will be 2023 and 2024”, suno kay Lacson.
Bisan pa nga may 16 percent nga saka sa NTA tuga sang Mandanas Ruling ang epekto sang 14 percent reduction indi maka offset suno kay Lacson.
Samtang, ang dalagan sang ekonomiya sa karon isa ka daku nga pag panghangkat sa tanan suno sa gobernador, labi na ang pag mahal sang mga balaklon.