Presyo sang live weight sang baboy sa karon ang nagsarurot.
Ini suno kay Ric Lauron ang president sang Alliance of Hog Raisers Association of Negros Occidental dala man sang epekto sang pag malasakit sang baboy.
Sa mga katapo nila sa Himamaylan 64 ka mga baboy ang nagklamatay.
Dagdag ang presyo karon suno sa iya. Indi malikawan nga ang iban may kahangawa. Sang bulan sang Mayo P155 tubtob P160 pa ang kilo sang live weight.
“Barato gid kaayo sir. Up to the extent nga daw waay na gani bili, tungod mga tawo subong daw nahadlok man mag bakal. May mga meat shop diri pila-pila man no, nag-untat lang sila subong anay pierde man ang ila negosyo sang baboy subong. Ang live weight naton subong ara lang sa P100 to 120/kilo”, suno kay Lauron.
Kasunod sang pag kumpirma sang probinsya sang pagbalik sang ASF cases, mansig-mansig patuman sang mga tikang kag paghugot sang boarder sang kada LGU kaangay sang San Carlos City, Binalbagan, Isabela kag Moises Padilla.
Suno kay Mayor Jilson Tubillara sang San Enrique nagdangat sa mga P5 million ang kahalitan nga natuga sang pag kapatay sang mga baboy sa ila banwa. Hugot nga protocol ang ila gina patuman. Nag positibo sila sa ASF. Gina pat-od pa nila kun pila gid ang nagkalamatay nga baboy.
Suno kay Mayor John Paul Alvarez may mga nag kalamatay man sila nga baboy sa Ilog, mga 30 sa mga lowland barangays.
Ginahulat pa nila ang resulta sa blood tests nga ginpatigayon sang probinsya. Maga butang pa man sila sang border control.
Wala sang hog deaths sa Hinoba-an. Ginsiling ni Mayor Daph Reliquias regulated ang pagsulod sang baboy sa ila lakip na imported meat.
Humalin pa man sadto wala na nila ginkakas ang border control labi na ang sa boundary sa Negros Oriental.
Una na nagpatuman sang pork ban ang La Castellana.
[sibwp_form id=1]