Mga pag panghangkat nga gina atubang sang probinsya angut sa RSSI kag pagbalik sang ASF isa sa mga ginpadangat sang gobernador sa second quarter Regional Peace and Order Council Meeting.
Sa Cadiz City ginsakdag ang RPOC kun sa diin si Governor Eugenio Jose Lacson ang naga pamuno bilang chairman.
Sa iya nga speech ginsiling ni Lacson nga ang peace and order sang komunidad ang may kaangtanan sa social and economic conditions sang lugar.
Magluwas sa epekto sang ASF kag RSSI sa agricultural industry, ini suno sa iya ang naga apekto sa kita sang mga farmers, backyard raisers, traders, kag iban pa gid nga sektor nga naga salig sang ila nga mga palangabuhian diri.
Suno kay Lacson sa mga tion nga ang palangabuhian ang apektado maka tuga ini sang mga sitwasyon nga posible mangin peace and order concerns.
Dugang pa ni Lacson may mga gin-report man nga kalakasan nga natabo kun sa diin may kahilabtanan ang mga pamatan-on bagay nga makatulublag.
Suno sa gobernador dapat maga padayon ang pag pabakod sang mga programa nga naga tib-ong sang values formation, responsible citizenship, conflict resolution, kag youth engagement.
[sibwp_form id=1]