Gina pa-explain sang Land Transportation Office-Negros Island Region ang driver kag tag-iya sang truck nga imbulbado sa natabo nga pagbunggo sang fuel tanker sa mga food stalls sa Valladolid Boulevard sadtong Hulyo 5, kun diin duha ka mga persona ang napatay kag isa ang nasamaran.
Base sa imbestigasyon sang kapulisan, natulogan ang 57-anyos nga driver sang tanker truck rason nga nabungguan sini ang mga food cart vendors sa higad sang highway.
Sang Hulyo 6, ginserbe sang LTO-NIR ang show cause order sa driver kag tag-iya sang fuel tanker truck kun diin sila ang ginapa pa-athag kun ngaa indi sila dapat paghatagan sang administrative sanctions.
Samtang, suspendido naman sa sulod sang 90 diyas ukon tatlo ka bulan ang lisensya sang driver samtang nagapadayon ang imbestigasyon.
[sibwp_form id=1]