Makita sa video nga gin-post sa Facebook ang pagpuag sa dalan sang mga high school students sang isa ka eskwelahan sa Barangay Mansilingan, Bacolod City kasunod sang gin-alegar pag tinapungolay, Biyernes sang udto, Hulyo 3.
Sa video, makita nga may isa ka estudyante nga lalaki ang nagapahid sang iya nagahabok nga mata.
Suno kay Police Captain Jay-R Reyes, hepe sang Station 7, gilayon nga nahusay sang management sang eskwelahan ang nasambit nga insidente kag wala naman sang may nakaparekord nga nasamaran.
Agud malikawan ang kasubong nga insidente kag madasig ang pag responde sa mga kinagamo, magapahamtang sang Public Assistance Desk ang Station 7 sa tanan nga mga eskwelahan nga ila sakop.
May mga contact numbers naman ang kapulisan sang tanan nga mga principals para sa madasig nga komunikasyon.
“Gina-treat ta gid ni nga serious ang kun ano man nga nagakatabo sa eskwelahan. Isa sa mga gina-obra ta da, naga-deploy kita sang police visibilities especially ini aton nga Police Assistance Desk sa mga eskwelahan. Amo na ang gina-obra ta gid para nga may dangpan dayon kung may mga issues and concerns within the school, may dangpan dayon nga pulis”, suno kay Reyes.
[sibwp_form id=1]