May 47 na ka mga personalidad nga konektado sa Caunda Drug Group ang nag kaladakpan sa mga separado nga anti-illegal drug operation sang Bacolod City Police Office – City Drug Enforcement Unit humalin sang nagliligad nga tuig.
Duha diri ang nadakpan sang nagligad lang nga bulan sa Barangay 35 sa Bacolod.
Ginsiling ni CDEU chief Police Lt. Colonel Antonio Benitez indi pa gihapon makakas sa listahan ang Caunda drug group bangud asta karon wala pa madakpan ang nagaserbe nga lider nga nagapabilin sa ila nga priority list.
Gindugang ni Benitez nga karon na naga-operate sa isla sang Negros ang mismo lider nga si Camaria Caunda pero may gina-monitor sila nga nagaserbe lider sang drug group.