Shadow

Libre nga rapid testing sa airport kag puerto ginsuguran na sang Negros Occidental

YouTube player

Nagsugod na ang pagpatuman sang libre nga Rapid Antigen Test sang Negros Occidental sa mga maluyag mag-avail sini sa mga maga abot sa airport ukon seaport.

Ini ang kabahin sang Executive Order nga gin papanaog ni Negros Occidental Governor Eugenio Jose Lacson nga magalawig tubtob sa Pebrero 15.

Pero, ang negative RT PCR ukon non-reactive RAT result ang batunon man sang probinsya.

Suno kay Zeaphard Caelian ang Provincial Incident Management team Commander, sa una nga flight nga nag-abot kaina sang aga, wala sang may nag-avail sa libre nga Rapid Antigen Test.

Ini bangud, tigayon na naka process sang ila nga mga requirements kasubong sang negative RT PCR test result ang mga pasahero nga padulong sa probinsya pila ka adlaw antes pa man napatuman ang libre nga RAT.

Sa gihapon, suno kay Caelian plastado na ang team sa pagpatuman sini.

Ang mangin reactive sa RAT base sa EO ang pwede nga makapaidalom sa facility quarantine ukon home quarantine.

Samtang, ang mga land based travelers naman dapat mag present sang non-reactive nga RAT ukon negative RT PCR test result.

Wala sang free RAt bangud wala sang swabbing facilities sa borders.

Nagapabilin nga requirement ang SPass sa tanan nga maga sulod sa probinsya.

Exempted naman ang mga government officials kag personnel on official business.

“Kumbaga sa pag apply nila sang una, so, pagbaylo may ara na sila nga daan, kumpleto na sila documents. Naka set-up na ta to sa airport. Ara sa aton EO, may option ina, either they opt for home quarantine or ma facility quarantine sila. But kun mag reactive sila, kun gusto nila mag home quarantine i-communicate namon sa ila nga LGU nga they opt for home quarantine. I-release ta basta, ang LGU nila ang ma supervise sa ila nga home quarantine. Kun gusto nila facility quarantine sa province then dal-on ta sila sa quarantine facility naton”, suno kay Caelian.

Secured By miniOrangeSecured By miniOrange