Probinsya ang maga hulat sang letter of intent sang Bacolod City Water District angut sa bulk water project sang Negros Occidental.
Ini suno kay Provincial Adminsitrator Rayfrando Diaz nga naga abi-abi sang ginpabutyag nga interes sang Baciwa para sa bulk water sang probinsya.
Pero, kasubong sang iban nga water districts nga pormal na nag pahibalo sa Negros Occidental sang ila nga interes sa pag avail gikan sa bulk water project, hulaton man sang probinsya ang letter of intent sang Baciwa.
“I also heard verbally that they have expressed interest nga mag kwa sila sa aton nga bulk water project, which is a good development, however ang aton representative nga nag meeting upod sa ila, I told her nga we need a written letter of intent duly signed by the proper person with authority from the Board of Directors and Prime Water before we even consider it as official”, suno kay Diaz
Suno kay Diaz, ang mga water districts gikan sa Talisay padulong sa Manapla ang naka hatag na sang ila nga letter of intent lakip na ang quantity ukon volume sang tubig nga luyag nila makuha.
Kun matigayon ang Baciwa, may nagakaigo sa gihapon nga supply nga mahatag ang Negros Occidental suno kay Diaz nga maga kuha gikan sa Malogo kag Embang River.
Sa Hunyo na naka schedule ang investors’ forum. May tatlo tubtob apat naman ka investor ang nagpabutyag sang interes para sa bulk water project.
Magluwas sini may mga LGU man nga bukas para sa bulk water project kag ini ang naga lakip sang Bago kag Pulupandan suno kay Diaz.