Shadow

Last day sang Comelec voter’s registration gindagsa, may gin pang custody sang PNP bangud sang pagsupak sa curfew

TF Disiplina photo

Trenta ka mga persona ang na-isyuhan sang citation ticket angut sa pagsupak sang curfew sa ulihi nga adlaw sang Comelec voters registration.

Ginabulubanta naglab-ot sa tres mil ang linya sang mga late voter applicants halin sa Gate 1 sang University Of St La Salle pakadto sa Robinsons Supermarket sa Triangle Plaza, sa corner sang Narra kag BS Aquino Drive sang Oktubre 30.

Gani wala man napaiway ang pag-ginutok sa gwa sang registration area sa last day sang Comelec voters registration.

Suno kay Wilfredo Geolingo, pamuno sang Task Force Disiplina, may trenta ka mga persona ang na-isyuhan sang citation ticket sa pagsupak sang curfew.

Sila ang gindala sa police station 4 antes ginbuy-an sa custody sang PNP sa las sais sang aga.

Wala na sila makabalik pa sa linya kag nakaparehistro suno kay Geolingo.

Sa linibo nga naghingagaw, kapin kinyentos ang natinguhaan nga na-accomodate sang Comelec.

Nangin hugot man ang pagbantay sang katapo sang Bacolod City Police Office sa registration area kabangdanan nga napunggan ang pagluntad sang kinagamo.

Leave a Reply

Your email address will not be published. Required fields are marked *

Secured By miniOrangeSecured By miniOrange