Patay si Rojie Beñarta, 30-anyos kag residente sang Barangay Canlamay banwa sang Ilog matapos nga gintiro sa Purok 3, Brgy. Magballo sa Kabankalan City kaina sang aga.
Ang suspek ginkilala sa kay Arnel Caungca, 51-anyos.
Suno sa kay Police Executive Master Sergeant Voltaire Sy ang City Executive Senior Police Officer , nag abot ang suspek sa kapehan nga nahamtangan sang biktima.
Ginbutong pa guwa sa kapehan sang suspek ang biktima kag gintiro apang wala naglupok ang iya pusil.
Nagpalagyo ang biktima pero ginlagas siya sang suspek kag gintiro liwat.
Igo sang bala sa likod ang ginkamatay ni Beñarta kag nagpalagyo naman gilayon si Caungca.
Suno sa pulis may daan na nga inaway ang duha. Padayon nga gina pangita sang mga pulis ang suspek.